Aizawl taekwondo academy an thiam ber

Mizoram Official Taekwondo Championship vawi 25-na leh Mizoram Poomsae Championship vawi 16-na chu August 26, Inrinni khan Armed Veng Community Centre-ah zawh fel a ni

Ni li chhung awh tournament-ah hian a pumpuiah Aizawl Taekwondo Academy Electric Veng chu an champion. Aizawl Taekwondo Academy hian gold medal 13, silver medal 18 leh bronze medal 15 lain point 2860 an hmu a.

Pahnihna Exodus School Taekwondo Club chuan gold medal 15, silver medal paruk leh bronze medal pasarih lain point 2155 an hmu thung. Taekwondo Academy of Best Friend chuan point 1586 hmuin pathumna an ni a, anni hian Best Fighting Spirit Team Trophy an la.