Giroud a la chuai lo

Olivier Giroud chuan kum 36 mi a nih hnuah pawh AC Milan tan rintlak a nihna a la lantir zel. France tan goal khung hnem ber hian Torino lakah goal hnih khungin, a club Milan chu 4-1 in a chakpui.

Inrinni zan Serie A inkhelah Milan tan Giroud-a'n penalty vawi hnih a chhuih luh bakah hian Christian Pulisic leh Theo Hernandez te chuan goal khat ve ve an khung a, tun season league match pahnih an khelh tawhah an chak ve ve.

Arsenal leh Chelsea striker hlui Giroud hian kum 2021 August thla khan Serie A match a khel ṭan a, tun thlengin league goal 27 a khung tawh, a club hi champion pui tawhin a inlan ve chinah chuan Milan tana goal khung hnem ber a ni.

Inkhel dangah Hellas Verona chuan Jose Mourinho enkawl AS Roma chu 2-1 in an hneh - Verona hi Milan ang bawkin match hnih aṭanga point ruk hmu thei an ni.