CYMA Carrom inelna ṭan

Central YMA leh Mizoram Carrom Asso-ciation buatsaih LBS Suzuki Gixxer 1st Inter Branch YMA Carrom Tournament 2023 chu nimin aṭang khan Ramhlun Indoor Stadium-ah khelh ṭan a ni.

CYMA Carrom inelnaah hian branch 54 an tel a; Aizawl khawchhung aṭangin branch 42 leh Aizawl khawpawn aṭangin branch 12 an ni. Inelna hi ni li chhung awh tur a ni a; September 1, Zirtawpniah khelh zawh a ni ang.

CYMA chuan kumin hian football leh table tennis inelna hlawhtling takin a buatsaih tawh a, thupui tan 'ruihhlo do la, i ram chhan rawh' tih chu hman a ni.