Asia Cup: Vawiin aṭangin khelh ṭan a ni dawn

Asia khawmualpui tana cricket inelna sang Asia Cup chu vawiin aṭangin khelh ṭan a ni dawn. Inelnaah hian ODI format hman a ni dawn a, Pakistan leh Sri Lanka-ah khelh a ni ang.

Vawiin tlai dar 3:00 hian inelna thlengtu Pakistan chuan Multan Cricket Stadium-ah Nepal an hmachhawn ang. Inelnaah hian team paruk an awm a, group pahnihah ṭhen dan an ni.

Group A-ah Pakistan, India leh Nepal an awm a, group B-ah Sri Lanka, Bangladesh leh Afghanistan te an awm thung. Group khat aṭangin a sang pahnih hi Super 4 khel turin an tling ang. Super 4-ah hian vawi khat ṭheuh an inkhel chhuak leh ang a, a sang pahnihin final an khel dawn.