Bayern-in hmasawnna tur kan nei - Kane

Bayern Munich-in Bundesliga an thunun a, tun season-ah pawh match hmasa pahihah hnehna an chang. Hetichung hian striker thar Harry Kane chuan hmasawnna tur a awm thu a sawi.

England captain Kane chuan, "Mahni muala chaka bul ṭan hi a ṭha. Chance kan insiam hnem a, goal tam zawk khung thei tur kan ni. Goal nawr kawngah hmasawnna tur a awm.

"Player-ten theihna sang tak vek an nei a, team chhung boruak pawh awm nuam ka ti. Engkim hi a ṭha lam vek a ni a, ka zin kawng thar hian minti phur hle," tiin a sawi.

Kum 30 mi Kane hian tun nipui bazarah Tottenham aṭangin Bayern Munich hi euro maktaduai 100 (£86.4m) in an zawm a, league match hmasa pahnih aṭangin goal thum a khung der tawh. Bayern hian September 2, Inrinni zan dar 10:00 hian Borussia Monchengladbach hmachhawn turin Borussia-Park an tlawh ang.