Timothy Castagne-a'n Fulham a zawm

Premier League aṭanga tla hniam Leicester City defender Timothy Castagne chuan Foxes chhuahsanin pound maktaduai 15-in Fulham a zawm a, jersey number 21 a ha ang.

Kum 27 mi Castagne hian kum 2020 khan Atalanta aṭangin Leicester hi a zawm a, English club tan hian match 112 khel tawhin goal nga a khung.

Cottagers manager Marco Silva chuan, "Nipui bazar ṭantirh ṭanga kan lak tum a ni a; Tetea Kenny leh Antonee Robinson te kan lakluh avangin kan lawm a, chutihrualin right back kan mamawh. Timothy Castagne kan la thei hi kan lawm hle," tiin a sawi.

Castagne hi Genk aṭangin inrir chhuak a ni a, euro maktaduai ruka Atalanta a pan hnuin kum 2020 khan Foxes a pan. Belgian defender Castagne hian an ram Belgium tan pawh match 33 a khel tawh a, goal hnih a khung tawh a ni.