Nottingham Forest an lungawi lo

Manchester United nena an inkhelh ṭuma match official chet danah Nottingham Forest an lungawi lo a, thuneitu Professional Game Match Officials Limited (PGMOL) hnenah an zualko.

Forest manager Steve Cooper chuan Old Trafford-a thil thlengah an lungawi lo takzet tih a sawi a, match referee Stuart Attwell leh a ṭhiante bulah ṭawngkam mawi lo lutuk a hman loh nan a insum hram hram tih a sawi.

August 26, Inrinni zan inkhelah Notthingham hian 2-0 in hma an hruai a, a tawpah erawh 3-0 in an chak lo. Minute 67-naah Joe Worrall chuan Bruno Fernandes a tihtluk avangin penalty a chawi a, central defender hi a hnung bera awm angin ngaih ni mah se Willy Boly nen an inhnaih hle.

Danilo-a'n Marcus Rashford lakah penalty a chawi zui a, heng thil thleng pahnihte hi Video Assistant Referee (VAR) a ṭhu Robert Jones chuan a endik a, referee Attwell thutlukna hi a pawmpui a ni.