Robben & Ribery - 'Robbery' vanglai a liam ta

Football ngaina inti chin tan chuan Arjen Robben leh Franck Ribery hming hriat loh a rem lo a, Bayern Munich-a player pahnih inkawp kha football ngaina tan chuan hmuhnawm a tling ṭhin. 

Player pahnih chanchin hi a hrang ve vein ziak dawn pawh ni ila ziah fe tham a ni a, mahse lung ti leng zawnga kan thlir dawn a nih chuan 'Robbery' vanglai bawk hi kan sawi fo ṭhin tur chu a ni. 

Ni e, Robbery tih ngata fan-ten duat taka an koh player pahnih hi football khawvela player inkawp fuh sawi apianga lam hmaih loh tur zingah an tel a, nomawi an chawi dun zat ringawt sawi dawn pawhin number tam chhiar a ngai. 

Henry leh Bergkamp-a inkawp hmuhnawmzia te, Xavi leh Iniesta sawi hran an harsatzia te, hun rei lote chhunga Steven Gerrad leh Fernando Torres inkhel dun ngaihawm zia te kha - khang zawng zawng mitthlaa ngai ṭhin tan chuan Robbery hi ngaihawm an tling a ni. 

August 29, 2009-a ni a, Bayern Munich-in Bundesliga-ah Wolfsburg an hmachhawn - he inkhel hi Bayern fans tan chuan theihnghilh tawh ngai loh turin chhinchhiah a ni ta. Robben leh Ribery-te Bayern tana an inlan dun hmasak ber a ni tlat. 

He inkhelah hian 3-0 in Bayern an chak a, Robben-a goal hnih khung chu Ribery siamsak a ni - khawvelin tlarhma inkawp fuh ber pawl a hmuh tur indin ṭanna a ni a, Bayern fan-te an phur hle. 

World Cup 2006 ropui taka a khelh hnuah Ribery hian rimtu tam tak hnarin kum 2007 khan Bayern hi a hunlaia German club player manto ber ni turin euro maktaduai 27-in a zawm a, kum hnih hnuah Robben hian Bayern a zawm ve leh. 

Robben-a'n Bayern-a pan hian Chelsea leh Real Madrid-ah hlawhtlinna a chhar tawh a, a man zat pawh euro maktaduai 25 lai a nih avangin a chungah beiseina a sang hle. Robben hi amah ang thoa Dutch mi, Bayern-a hlawhtling taka khel Roy Makaay-a jersey number hak ṭhin '10' pek a ni a, Ribery-a'n '7' a ha thung. 

Winger pahnih man atan Bayern-in euro maktaduai 50 chuang an seng a, Real Madrid-in sum tam tak senga 'Galacticos' an din lai nena tehkhinin 'Baylacticos' tih hming lem pek an ni hial a, a bik takin Robben leh Ribery tan pressure a na hle.

Mahse, pressure a sang chungin a match hmasa berah Robben-a'n goal hnih a khung a, hetihlaia Bayern chhuanvawr striker Mario Gomez chuan, "Ka khelhpui zo lo lek lek a ni," tiin Robben leh Ribery ṭhat bikzia a sawi. 

Robbery-in an vanglai an hmang chho a, Bayern fan-ten kum 2001 hnua an chawi leh tawh loh Champions League nomawi an 'dream' chho a, Bastian Schweinsteiger, Philipp Lahm leh Thomas Muller te ho an kawl bawk avangin a awm lo hran lo. 

Robben-a'n Bayern-a a season hmasa berah Bundesliga leh German Cup nomawi a chawi nghal a, inelna hrang hrangah match 37 khelin goal 23 a khung bawk - a season hmasa ber mitthlaa cham reng erawh Manchester United laka a goal khung kha a ni. 

Champions League quarterfinal second leg-ah Bayern hi United-in an hnawt chhuak mai dawn niin a lang tawh - mahse minute 74-naah Robben hian Netherlands tana a khelhpui Edwin van der Sar tana dan theih rual loha mawiin a volley goal tehreng a nih kha! Assist tu maw? Ribery bawk maw le!

Bayern tan beisei angin thil erawh a kal nghal bik lo - semifinal-ah Lyon hneh zui mah se final-ah Ribery chu hrem vangin a inlan thei lo a, Bayern-in an tuar tih loh rual a ni lo. Hetihlaia Jose Mourinho-a Inter Milan team ropui chu 2-0 in an ngam lo a, Diego Milito chuan goal hnih a khung. 

Robbery leh Bayern tan beisei angin thil a kal vek bik lo. Kum 2012-ah Champions League final an lut leh a, Robben tan mualphona a ni. Roberto Di Matteo hnuaia inlan Chelsea an hmachhawn a, Blues striker chhuanvawr Didier Drogba chuan extra time-ah Ribery chu hliam khawpin a ti tlu a, penalty a chawi. 

Penalty pet turin Robben a lo pen chhuak a, a hlawhchham! Blues tana a lo khelhpui tawh keeper ṭha mi Petr Cech chuan a dansak. Penalty hmanga chak zawk zawn zui a ni a, a tawpah Chelsea an champion. 

Robbery-in rei tak Europe-a rorel tawh lo Bayern tan beiseina an siam a, Ribery hlawhchhuah penalty kha Robben hian khung se an hmingṭha lehzual tur hi a ni a, mahse engmah lo maiah chantir a ni ta si. 

Robben chuan, "Ka pet ṭha tawk lo a, penalty chhe tak a ni. Zan duhawm lo tak ka hmang a, ṭawngkaa hrilhfiah theih pawh a ni lo. UEFA president Michel Platini leh Drogba ten min hnem an tum kha ka lawm a, mahse engmah khan hlutna a nei lo," a ti a, a la na hle. 

Mahse, Bayern hian an nghah rei a ngai lo - kum 2013-ah Champions League final an lut leh nghal a, a hunlaia Jurgen Klopp-a team hmuhnawm Borussia Dortmund an hmachhawn. 

Bayern hian 2-1 a Dortmund hnehin nomawi an chawi a, 1-1 a nih lai, hun tawp nan minute khat chauh a awm tawh tiha chakna goal khungtu hi Robben a ni - assist tu chu tu dang ni loin Ribery bawk a ni!

A hma kum lawka indawm kun Robben kha final-ah man of the match a ni a, a hma kuma hliam vanga lakchhuah ngai Ribery pawh hmuhnawm khawpin a khel. Bayern hi treble champion an ni a, an ropui vanglai ber tih ngam a ni hial. 

Mahse, hun a liam a, kum a liam a, Robbery meuh pawh an vanglaiin a liamsan ve ta - kum 2019 a herchhuah meuh chuan player ropui pahnih hian Bayern an 

mangṭha a, anni pahnih thlak zo hi German club hian an zawng hmu zo leh ta lo a nih pawhin mak ti suh. 

Robbery hian awlsam takin an zinkawng an ṭan bik lo - April 2012 khan dressing room-ah freekick pettu tur chungchangah Robbery an inhnial a, Ribery chuan Robben hi a hnek!

Dutch forward hian an khelh dun leh theih ring lo mah se team tan an inhuatna chu dah ṭhain ṭhianṭhaah an insiam a, Bayern an mangṭha meuh kha chuan club tan an pahnih hian match 734 an khel tling a, goal 268 khungin vawi 284 assist an nei. 

Robben chuan, "A ni hmasa ber aṭang khan kan in man nghal a ni," tiin Ribery nena an khelh dun chungchang a sawi - ke vei lam hmangthiam Robben-a'n mual sir ding lam aṭanga ball a rawn lalut te, a ke ding lam hmanga pet ṭhin Ribery-a'n mual vei lam aṭanga ball a rawn lalut ṭhinte kha mitthlaah rei tak an cham dawn a nih hi. 

Franck leh Arjen hi player ropui tak an ni. Kum 10 chhunga Bayern hlawhtlinna kha kan club chanchina ropui ber lai a ni a, chu hun hlimawm min tawntirtu chu anni pahnih hi an ni - Bayern CEO Karl-Heinz Rummenigge 

Kum 36 mi ni ve tawh, 'The Flying Dutchman' tia hming lem an pek Robben hian Bayern a chhuahsan hnuah inkhelh a chawlhsan thu a puang a, Dutch forward hi khelmual lamah kan hmu leh ta rih lo. 

Dutch club Groningen-ah a career ṭanin PSV Eindhoven, Chelsea, Real Madrid leh Bayern tan a khel a, German club-ah hian a hlawhtling ber tih ngam a ni. 

Netherlands tan vawi 96 inlan hmanin goal 37 a khung a, a career-ah club hrang hrang tan match 606 khelin goal 210 a khung. 

Galatasaray tan a khelh laia a ball thiam leh chet ran avanga fan-ten 'Ferraribery' tih hming lem an pek Ribery hian French club tenau Boulogne-ah a career ṭanin Alès leh Brest-ah te a khel bawk a, kum 2004 khan a vawi khat nana top flight football khelin Ligue 1 club Metz tan a khel. 

Metz hnuah hian Galatasaray, Marseille leh Bayern Munich tan a khel a, German club-ah a hlawhtling ber. Kum 37 mi ni tawh mah se Bayern a chhuahsan hnuah chawl mai loin Serie A-ah Fiorentina tan a khel zui.

France tan vawi 81 khelin goal 16 a khung a, kum 2006 World Cup final an luh ṭum khan player pawimawh a ni. 

PSV

Eredivisie: 2002–03

Johan Cruyff Shield: 2003

CHELSEA

Premier League: 2004–05, 2005–06

FA Cup: 2006–07

Football League Cup: 2004–05, 2006–07

FA Community Shield: 2005

REAL MADRID

La Liga: 2007–08

Supercopa de España: 2008

BAYERN MUNICH

Bundesliga: 2009–10, 2012–13, 2013–14, 2014–15, 2015–16, 2016–17, 2017–18, 2018–19

DFB-Pokal: 2009–10, 2012–13, 2013–14, 2015–16, 2018–19

DFL-Supercup: 2010, 2012, 2016, 2017, 2018

UEFA Champions League: 2012–13

UEFA Super Cup: 2013

NETHERLANDS

FIFA World Cup runner-up: 2010

FIFA World Cup third place: 2014

Johan Cruijff Prijs: 2002–03

PFA Team of the Year: 2004–05 

ESM Team of the Year: 2004–05, 2009–10, 2014–15

The kicker Man of the Year: 2010

Footballer of the Year in Germany: 2010

UEFA Team of the Year: 2011, 2014

Champions League Team of the Season: 2013–14

FIFA World Cup All-Star Team: 2014

FIFA FIFPro World XI: 2014

Dutch Sportsman of the year: 2014

GALATASARAY

Turkish Cup: 2004–05

MARSEILLE

UEFA Intertoto Cup: 2005

BAYERN MUNICH

Bundesliga: 2007–08, 2009–10, 2012–13, 2013–14, 2014–15, 2015–16, 2016–17, 2017–18, 2018–19

DFB-Pokal: 2007–08, 2009–10, 2012–13, 2013–14, 2015–16, 2018–19

DFB-Ligapokal: 2007

DFL-Supercup: 2012, 2016, 2017, 2018

UEFA Champions League: 2012–13

UEFA Super Cup: 2013

FIFA Club World Cup: 2013

FRANCE

FIFA World Cup Runner-up: 2006

Ligue 1 Young Player of the Year: 2006

Ligue 1 Goal of the Year: 2006

Ligue 1 Team of the Year: 2006

Onze de Bronze: 2006, 2008

French Player of the Year: 2007, 2008, 2013

German Footballer of the Year: 2008

ESM Team of the Year: 2007–08, 2012–13

UEFA Team of the Year: 2008, 2013

UEFA Best Player in Europe Award: 2012–13

Kicker Bundesliga Team of the Season: 2007–08, 2008–09, 2011–12, 2012–13, 2013–14

Bundesliga Player of the Year: 2012–13[305]

The kicker Man of the Year: 2013

Globe Soccer Best Footballer of the Year: 2013[307]

FIFA Club World Cup Golden Ball: 2013

FIFA FIFPro World XI: 2013

FIFA Ballon d'Or: Third place 2013

DFB-Pokal top assist provider: 2016–17