Young Player of the Year Saka

2023 PFA Young Player of the Year dawng thei tur zingah Erling Haaland awm mah se Arsenal forward Bukayo Saka-a'n a dawng. Saka hi vawi li ngawt nomination-ah a tel tawh a, tun ṭum hi a dawn hmasak ber a ni.

Tun ṭuma nominee-a awmte chu Saka leh Haaland bakah Gabriel Martinelli (Arsenal), Jacob Ramsey (Aston Villa), Evan Ferguson (Brighton) bakah, Brighton aṭanga Chelsea pan ta Moises Caicedo te an ni.

Season liam ta khan Premier League-ah Arsenal-in hun rei zawk hma an hruai a, season tawpa an chetsual vang chauhin City an champion. Mikel Arteta hnuaiah kum 21 mi Saka hi a che ṭha a, goal 14 khungin assist vawi 11 ngawt a nei bawk.

FIFA World Cup-ah Saka hi England tan a che ṭha zui a, goal thum ngawt a khung. Arsenal player zingah Jack Wilshere-a'n kum 2011 khan chawimawina hi a dawng a, Saka hi Gunners player zinga dawng leh hmasa ber a ni.