Tottenham an tla

Premier League lamah Harry Kane tel loin Tottenham Hotspur-in nunchan an zir a, league match thumah tlawm an la nei lo - League Cup-ah erawh second round aṭangin an tla nghal a, Fulham an ngam lo.

Thawhlehni zan inkhelah goal hnih lutin, Spurs lam khung ve ve a ni a, a pawi ta erawh Fulham tana an khung tel chu a ni. Spurs defender Micky van de Ven chuan an lamah a tilut a, Richarlison-a'n si phurh a sut.

Hun pangngaiah team pahnih hi 1-1 in an inhnehtawk a, penalty hmanga chak zawk zawn a nih hnuah 5-3 in Fulham an chak. Spurs zinkawng a tawp a, nomawi an beiseina pakhat chu a kiam leh ta phawt.