Asia Cup: Liton Das tel loin Bangladesh

Asia Cup-ah vawiin tlai dar 3:00 hian Bangladesh leh Sri Lanka te an inkhel dawn. Group B-ah Bangladesh leh Sri Lanka bakah Afghanistan te an awm a, pahnihin Super 4 an lut ang.

Bangladesh hian an batter ṭha Liton Das chu damlohna vangin an chhawr thei dawn lo a, Asia Cup ṭangin a inhnukdawk. Kum 30 mi Das hian ODI match 44 aṭangin 1,254 runs a siam tawh a, Bangladesh tan chuan channa lian tak a ni.