Table Tennis training buatsaih

Mizoram Table Tennis Association (MTTA) chuan, Mizoram State Sports Council leh Table Tennis Federation of India nena ṭangkawpin ni nga awh tur Training of Trainers (ToT) Residential Course chu Mizoram Table Tennis Hall, Mission Veng-ah an buatsaih mek.

Training of Trainers Course-ah hian Ashwin Kumar Padukone, International Table Tennis Federation level 3 coach chuan Mizoram district pakua aṭanga kalkhawm mi 25-te hnenah ngawrh takin zirtirna a pe a ni.

Hei bakah hian ni thum chhung awh tur Table Tennis Umpire Training Programme (UTP) chu Synod Conference Centre, Sikulpuikawn, Mission Veng-ah Mizoram State Sports Council leh Table Tennis Federation of India nen ṭangkawpin an buatsaih mek bawk.

Training-ah hian Mizoram hmun hrang hrang aṭanga rawn kalkhawm mi 28 te hnenah Mangesh Mopkal, Blue Badge Umpire leh International Umpire ni bawk chuan zirtirna a pe a ni.