MVA leh SYS ten inremna ziak

Sports & Youth Services Academy (Volleyball) dinna tûrah Sports and Youth Services director Lalnunhlua leh Mizoram Volleyball Association (MVA) general secretary C. Lalrokhuma te chuan thawhhona thuthlung an ziak.

SYS leh MVA thawhhona tur Volleyball Academy hi kum 19 hnuai lam tan hawn a ni dawn a. Tuikual Indoor Stadium, Tuikual North-ah bul ṭan a ni ang a. Player thlanna neih hnuah September thla chhung ngeia hawn tur a ni ang.

SYS director, joint director, coach leh Mizoram Volleyball Association OB ten Sports Director Office, MINECO-ah thawhhona thuthlung ngaihtuah hoin an thawhhona thu an ziak a ni.