Vinicius hmun ruakah Raphinha

Hliam vangin Vinicius Junior a inkhel thei lo mek a, an ram Brazil chuan an chhawr thei dawn lo. South American ram hian an squad aṭangin an dah chhuak a, a hmun ruakah Barcelona forward Raphinha an dah lut thung.

Real Madrid chuan Vinicius hi a rei lo berah thla khat tal a chawlh a ngaih tur thu an sawi chiang tawh. World champion vawi nga ni tawh Brazil pawhin an thlak ngei a ngaih phah ta a ni.

Brazil hian September 8-ah Bolivia nen World Cup qualifier an khel dawn, chumi hnuah Peru nen an inkhel chhunzawm leh bawk ang. Coach thar Fernando Diniz kaihhruaina hnuaia an match hmasa ber tur a ni ang.

Koh leh hnuhnawh Raphinha hi Brazil tana a inlan hnuhnung ber chu Qatar World Cup lai kha a ni a, a hnu lamah a la inlan leh lo. An ram tan hian match 16 aṭangin goal nga a khungsak tawh a ni.