Monaco pantu Balogun

Arsenal striker Folarin Balogun chuan AS Monaco a zawm fel. Ligue 1 club hian Balogun la turin pound maktaduai 35 an seng a, season nga daih contract an ziahpui a ni.

Kum 22 mi Balogun hian theihna sang tak a nei, mahse Gunners manager Mikel Arteta nen an inkawp rem lo. Season hmasa khan Ligue 1 club Reims tan khelin goal 22 a khungsak.

Season a hmang ṭha a, striker Gabriel Jesus a inhliam bawk avangin Balogun hian North London club tan khelhna hmun a chan ngei a rinawm, mahse Spanish manager hian a chhawr ta chuang lo.

New York khawpuia piang Balogun hian kum naupangte ni chungin Arsenal a zawm a, kum 17 mi a nihin Arsenal tan a khel ṭan - tunah erawh an inṭhen fel, chona thar a hmachhawn dawn a ni.

Tun nipui bazarah Chelsea nen pawh sawizawm a ni a, mahse Arsenal hian an elpui club laka kaltir ai chuan Monaco lama chhuahtir hi an hreh lo zawk a, duhsakna thu nen an thlah liam a ni.