Martinez tan contract thar

Roberto Martinez chuan Belgium head coach ni chhunzawm zel turin contract thar a ziak. Nimin khan Royal Belgian Football Federation (KBVB) chuan 2022 thleng daih inremna an ziah thu hi an puang.

Kum 46 mi Martinez hian 2016 khan Belgium team hi a enkawl ṭan a, 2018 FIFA World Cup-ah khan pathumna nihpuiin, Belgium ramin an tawn san ber ṭum an thleng hial.

Spanish manager kaihhruaina hnuaiah hian champion zui ta France chu semifinal-ah an ngam lo a, pathumna dinhmun inchuhnaah England chu an hneh thung a ni.

Qatar a neih tur 2022 World Cup-ah pawh Belgium hi a enkawl chhunzawm leh dawn tihna a ni a, player ṭha an ngah avangin pathumna aia sang nih an beisei tawh dawn.

Euro 2020 khel tur pawhin an tling chiang, qualifier match 10 an khelhah hnehna an chang vek a, an goal difference pawh 37 lai a ni. World ranking-ah pakhatna a nih pui bawk, result a neih ṭhat avang hian Euro 2020 zawh ruala a contract tawp tur chu an pawtsei a ni.