Hmeichhe player ṭha ber Bonmatí

Spanish midfielder Aitana Bonmatí chu UEFA Women's Player of the Year atan thlan a ni. Kum 25 mi Bonmati hian Barcelona chu Champions League nomawi chawipuiin, Spain chu World Cup-ah a champion pui bawk a, inelna pahnihah hian best player atan thlan a ni ve ve - Women's Player of the Year chawimawina dawn a phu a, he award dawng tur hian Chelsea forward Sam Kerr (Australia) leh Real Madrid left back Olga Carmona (Spain) a khum a ni.

Hetihlai hian hmeichhe coach ṭha berah Sarina Wiegman thlan a ni. Kum 53 mi Dutch coach hian World Cup final-ah England a hruai thleng a, nikum khan EURO 2022-ah England a champion pui avangin he award hi a lo dawng tawh bawk - vawi hnih dawng hmasa ber a ni a, World Cup-a Spain champion puitu Jorge Vilda leh league & Champions League-a Barcelona champion puitu Jonatan Giráldez khumin lawmman hi a dawng.