Palace keeper thar Henderson

Crystal Palace chuan England goalkeeper Dean Henderson chu Manchester United aṭangin an la lut a, pound maktaduai 15 pe phawtin, a khelh ṭhat dan a zirin a man hi £5mtd dang pek belh leh tur a ni.

Kum 26 mi keeper hian kum nga chhung atan Palace-ah hian contract a ziak a, "He hmunah hian hmachhawp duhawm tak a awm a, an zinga tel ve nih ka duh a ni," a ti a, inkhelh a châk tawh thu a sawi bawk.

Henderson hian season hmasa kha Nottingham Forest-ah loan-in hun a hmang a, mahse, Forest hian Matt Turner chu Arsenal aṭangin an la lut a, Henderson pawhin Palace a pan zui.