Red Devils second choice tur Bayindir

Manchester United chuan Turkey goalkeeper Altay Bayindir chu Fenerbahce aṭangin pound maktaduai 4.3-in an la lut a, kum 25 mi hian kum li atan contract a ziak - Inter Milan aṭanga United zawmtu Andre Onana thachhang dawltu tur a ni ang.

Kum 25 mi Bayindir hian Fenerbahce tan season hmasa khan Turkish Cup-ah champion nomawi a chawi a, Super Lig-ah pahnihna an ni bawk. Bayindir chuan, "Manchester United ka zawm thei hi ka lawm a, he club-a Turkish khel hmasa ber ka ni thei tur hi ka lawm hle," tiin a sawi.