City-in Matheus Nunes an la lut

Manchester City chuan midfielder Matheus Nunes chu Wolverhampton Wanderers aṭangin pound maktaduai 53-in an la lut a, City hian an hralh a nih chuan Wolves hian 10% hlawkna an tel ve leh bawk ang.

Portugal tana vawi 11 inlan tawh midfielder hian City-ah kum nga khel turin contract a ziak a, season hmasa lawk khan Wolves hi Sporting Lisbon aṭangin £38mtd-in a zawm a ni.

Kum 25 mi Nunes chuan, "Europe champion Manchester City ka zawm thei hi ka lawm takzet a, he club hi ka ngaihsan êm êm a ni. Khawvela manager ṭha ber pawl hnuaia khelh a, khawvela player ṭha ber berte nena hun hmanna chance ka neih hi ka hnar phal lo a ni," a ti.

Nunes hian Wolves tan match 41 khel hmana goal khat khungin, assist vawi khat a nei.