Insiam ṭhat mamawh Aizawl FC

I League club Aizawl FC-in vawiin chawhma dar 11:00 hian FC Venghnuai an hmachhawn dawn. MPL10-ah Aizawl FC hian match hnuhnung berah point khat chauh an hmu a, Venghnuai lakah point thumah chauh an lawm ang.

Aizawl FC hi coach Victor Lalbiakmawia a zin avangin B. Malsawmzuala hoin an khel dawn. Coach inthlak mah se an tum erawh a ngai reng a, chak an tum. Player ṭha rual awmna AFC hi team ṭha zawk an ni.

Chutihrualin, Veng-hnuai hian point an la hmu lo a, Aizawl FC lakah thapui an chhuah dawn. Venghnuai Mizo striker chak pahnih Jerry Lalchhanchhuaha leh Jessy Vanlalmuana te an kawl a, AFC tlarhnung tan fimkhur a ṭul ang.