Silly Point: ROUND 1

A hmasa in Mimkut thla chibai. Asia Cup khelh mek round khatna chu a hmawr kan lo bawk fel dawn ta a. Asia khawmualpui ram lian pali ten Super 4 (Semifinal League) an khel dawn a ang ta khawp mai.

Thlirletna

India leh Pakistan a nih tawh hi chuan a boruak hi a sang nghal em em mai a. Inrinnia Pallelake Stadium-a an intum tum khan, India innghahna kulhpui top order Rohit Sharma, Shubman Gill leh Virat Kohli te dawl zawrin an zawr a. Pakistan ball vawm thiam ho speed leh swing an chelh zo lo a ni ber.

Very Hot

Sri Lanka ram khawlum leh uap tak karah, Pakistan Shaeen Afridi, Nasheem Shah leh Harish Rauf te inkawp darkar khata 150km vela ball vawm swing tel bawk si chu India Batting superstar rual tan a hot mah mah bawk a. Eng emawmaw lai phei kha chuan Humara Desh khan run 200 pawh an siam tling lovang tih hlauhawm khawp a ni.

Remchanna lei thiam

Kar leh lawk hian Ajit Agarkar a committee kaihruai chuan World Cup a India aiawhtur player 15 an puan a ngai. Rishab Pant a inhliam avangin wicketkeeper hmun hi Ishan Kishan, KL Rahul leh Sanju Samson an an inchuh tih hai rual a ni lo.

India-in run 48 chiah an la siam a, captain Rohit Sharma, Virat Kohli leh Subman Gill te dressing room lamah an let leh der tawh. Shreyas Iyer an a hnu lawka a zui ve leh nghal bawk nen. Chhanchuaktu mamawh India team tan Ishan Kishan a rawn pen chhuak a, a talent nghah ang bawka khelmual pawna thawm ngah ve Hardik Pandya lah Vice Captain mawhphurna a koa an tlâk chiah hian a puitling ta sawt emaw tih mai tur a ni. Thawk leh khatah Pakistan bowler-te an vawm chhe ta sawt a, pitch a ball sawt kawi mak pui pui chu a reh ta vek emaw tih mai turin hemi te ṭhian dun batting kha a hmuhnawm a ni. Century an siam lo ve ve erawh an ui ve ngei ang. Ishan Kishan an World Cup Squad atan ticket a book fel kan ti thei awm e?

Infiahna ṭha mi

India top order chu ngaihtuah awm an ni lem lo. Mahse eng ang chiahin nge middle order leh all rounder te hi innghahna tlâk an nih tih chu tun Inrinni inkhelah khan a chiang ta a. India Batting line up chu World Cup thlengin a riruang tur a hriat theih tawh awm e!

Bulṭanna chauh a ni

Khua in a bumro vangain team pahnihte an inthathen a ngai ta a. Match fitness nei tha lo Jusprit Bumrah leh spin department Jadeja leh Kuldeep Yadav ten eng ang chiahin nge Pakistan batting line up an chhaih theih tih erawh kan hmu thei ta lo a. Amaerawhchu tun Pathianni lo awm tur ah hian a thawh hnih nan Super 4 lamah Indo-Pak a nih leh hmel a. Sunday nghahlel a na leh dawn mange.