Mizoram team an chak nuamsa

Nimin khan Mizoram sub junior team mipa leh hmeichhia te chuan an khingpui awlsam takin an hneh. Vawiin hian Hero Junior Boys' National Football Championship for Dr BC Roy Trophy 2023-24-ah Mizoramin Jharkhand an hmachhawn dawn a, inkhelhna hmun hi Bhubaneswar, Odisha a ni.

Hero Sub Junior Girls' National Football Championship 2023-24 chu Amritsar, Punjab-ah khelh a ni a, Mizoram hmeichhe team chuan Uttarakhand 13-2 in an hneh. Mizoram tan hian Lallawmzuali'n goal riat a khung a, Vanlalmawipuii'n goal hnih a khung a, captain H. Lalremruati, Remruatkimi leh Thuamdinpuii ten goal khat ṭheuh an khung bawk.

Hero Sub Junior Boys' National Football-ah Mizoramin Maharashtra 9-0 in an hneh. Mizoram tan Isak Lalmalsawma'n goal nga a khung a; Malsawmkima goal hnih khungin Vanlalṭanpuia leh Vanlalmuana ten goal khat ve ve an khung bawk. Inelna hi West Bengal-a khelh a ni.