Set hloh lo Djokovic

US Open khelh laiah Novak Djokovic tan hna harsa a la awm lo. Serbian star hian nimin zing last 16 inkhelah Borna Gojo chu 6-2, 7-5, 6-4 a hnehin qiarterfinal a invaw kai.

New York khawpuiah Djokovic a che ṭha hle, a match hmasa zawkah set nga khelh ngai hial mah se Gojo lakah chuan dinhmun hlauhthawn awmah a ding lo a, set hloh loin a chak tlang.

Kum 36 mi Djokovic chuan, "A pawimawh laia ka che fuh zawk ṭhin kha a lawmawm," a ti. Semifinal lut tur chuan Taylor Fritz a hneh ngei dawn a, tualchhung tlangval Fritz hian ṭantu a neih ṭhat avangin inkhel boruak a nung hle tura ngaih a ni.