PSG chakna Mbappe

Kylian Mbappe chuan a hna pangngai goal khung a thawk chhunzawm zel. France captain hian Pathianni zan Ligue 1 inkhelah goal hnih a khung a, a club Paris Saint Germain chu Lyon khelmualah 4-1 in a chakpui.

Mbappe bakah hian Achraf Hakimi leh Marco Asensio te chuan goal khat ve ve an khung a, mualneitu lam Lyon tana Corentin Tolisso-a penalty chhuih luh chuan an mualpho tur a hliah khuh phak lo.

PSG hian league match pali aṭanga point riat hmuin table-ah pahnihna an ni mek a, an chungah hian point 10 hmutu AS Monaco an awm thung a ni.