Inter tan Lautaro Martinez

Pathianni zan Serie A inkhelah Inter Milan chuan an mikhual Fiorentina chu 4-0 in an sawp a, striker ṭha Lautaro Martinez chuan goal hnih a khung.

Argentina striker bakah France forward Marcus Thuram leh midfielder Hakan Calhanoglu ten goal an khung bawk a, tun season league match vawi thum an khelh tawh chinah an la chak kim vek.

Inkhel dangah Juventus chuan Danilo leh Federico Chiesa te goal hmangin Empoli 2-0 in an hneh ve bawk - Old Lady pawh tlawm an la nei lo, mahse vawi khat an khingpuite nen an inhnehtawk tawh thung a ni.