Messi tel loin Inter Miami inlan a ngai

Inter Mimai chuan an thiampuipa Lionel Messi tel loin Major League Soccer (MLS) match pahnih an khelh a ngai dawn - Argentina captain hian an ram tan World Cup qualifier a khelh dawn avangin club lamah a inlan thei dawn lo a ni.

World champion Argentina hian September 8, Inrinni zingah Ecuador an mikhual dawn a, chumi hnuah Bolivia an lenchilh zui leh ang, heng inkhel pahnihah hian Messi hoin an inlan ang.

La Albiceleste coach Lionel Scaloni-a'n a theih chen chen chu Messi chhawr ṭangkai a tum a, a rei lo berah pawh Copa America 2024 chu a khelh hmel a, theih ni se la chuan World Cup 2026 pawh khel se a duh thu a lo sawi hial tawh a ni.

September thla bakah hian October thlaah World Cup qualifier an khel leh dawn - Argentina hian Paraguay leh Peru te an hmachhawn ang, ram tana match awm lai leh MLS khelh hun a inrual dawn a, heng hunah pawh hian Inter Miami chuan Messi an chhawr thei dawn lo.

Barcelona captain hlui Messi-a'n Inter Miami a pan chhan zingah, ram tana nuamsa leh hahdam deuha inkhelh theihna tur a tel. Europe khawmualpui aṭanga zin hah a ngai dawn tawh lo a, a awmna pangngai aṭanga hla vak loah international match a khel thei dawn tawh tihna a ni.

Argentina Squad:

Goalkeepers: Emiliano Martínez (Aston Villa), Juan Musso (Udinese), Walter Benítez (PSV), Franco Armani (River Plate).

Defenders: Nahuel Molina (Atletico Madrid), German Pezzella (Real Betis), Gonzalo Montiel (Nottingham Forest), Juan Foyth (Villarreal), Marcos Senesi (Bournemouth), Lisandro Martínez (Manchester United), Cristian Romero (Tottenham Hotspur), Nicolas Tagliafico (Lyon), Nicolás Otamendi (Benfica), Lucas Esquivel (Athletico Paranaense).

Midfielders: Leandro Paredes (AS Roma), Rodrigo De Paul (Atletico Madrid), Guido Rodríguez (Real Betis), Facundo Buonanotte (Brighton), Enzo Fernández (Chelsea), Alexis Mac Allister (Liverpool), Exequiel Palacios (Bayer Leverkusen), Bruno Zapelli (Athletico Paranaense, U23 team), Thiago Almada (Atlanta United).

Forwards: Nicolas Gonzalez (Fiorentina), Lautaro Martínez (Inter), Angel Correa (Atletico Madrid), Julian Alvarez (Manchester City), Alejandro Garnacho (Manchester United), Angel Di María (Benfica), Lionel Messi (Inter Miami), Alan Velasco (FC Dallas, U23 team), Lucas Beltrán (Fiorentina).