Brazil squad aṭangin Antony an paih

World champion vawi nga ni tawh Brazil chuan an squad aṭangin Antony an paih. Manchester United forward hian a bialnu hlui nen buaina an nei mek a, thilsual tia puh a nihna hi pha mah se chhui chian mek a ni.

Brazilian football federation chuan Antony chungchang hi Sao Paulo Police leh Greater Manchester ten an buaipui tih an sawi a, thutlukna erawh an la siam lo - Antony aiah hian Arsenal striker Gabriel Jesus an ko.

Antony hi a bialnu hlui Gabriela Cavallin chuan kutthlak hmang leh thah hiala vauah a puh a, mah se Man United forward erawh chuan puh a nihna thu dik lo a nih thu leh, police-te hmalakna a rintawk thu a sawi ve thung.

Nimin tlai thleng kha chuan an player chungchangah Manchester United chuan thuchhuah an la siam lo. An player pakhat Mason Greenwood pawhin hmeichhe kutthlak vangin buaina a lo tawk tawh a ni.

Antony tel loin Brazil an inlan a ngai dawn tih a chiang tawh. South American ram hian World Cup qualifier-ah Bolivia leh Peru te an hmachhawn ang.

Brazil Squad:

Goalkeepers: Alisson (Liverpool), Ederson (Manchester City), Bento (Athletico-PR).

Defenders: Gabriel Magalhaes (Arsenal), Ibanez (Al-Ahli), Marquinhos (PSG), Nino (Fluminense), Danilo (Juventus), Vanderson (AS Monaco), Caio Henrique (AS Monaco), Renan Lodi (Marseille).

Midfielders: Andre (Fluminense), Bruno Guimaraes (Newcastle United), Casemiro (Manchester United), Joelinton (Newcastle United), Raphael Veiga (Palmeiras).

Forwards: Gabriel Jesus (Arsenal), Gabriel Martinelli (Arsenal), Matheus Cunha (Wolves), Neymar Jr. (Al-Hilal), Rodrygo (Real Madrid), Richarlison (Tottenham Hotspur), Raphinha (Barcelona).