Aizawl DFA hnuaia inelnaa khelh ṭan a ni dawn

Aizawl DFA hnuaiah First Division leh Second Division an awm a, vawiin aṭangin inelna hi ṭan a ni dawn. Lammualah First Division club ten an khel dawn a, vawiinah match hnih a awm dawn.

Chawhma dar 10:00-ah Kanan FC leh Ramthar Veng FC te an inkhel dawn. Kanan hi coach Chawngthansanga enkawl a ni a, ani hi MPL-a Reitlang FC hruai thlengtu a ni a, MPL club dang Chanmari West, BVT, Chhinga Veng leh Chanmari te a enkawl tawh. MPL awm hmain Luangmual FC, Zotlang FC, FC Kulikawn leh Aizawl FC te a enkawl tawh bawk.

Chhun dar 12:00-ah 1st Bn MAP Academy leh Tanhril FC te an inkhel zui ang. 1st Bn MAP Academy hi coach R. Lalramhluna leh Laltuakliana Renthlei ten an enkawl. Tanhril FC hi Third Division aṭanga First Division thlenga inpetkai chho an ni a, 1st Bn MAP Academy hmaah fiahin an awm dawn.

Vawiin Inkhel Tur

First Division - Lammual

Kanan FC 10:00 AM Ramthar FC

1st Bn MAP 12:00 PM Tanhril FC

Academy

Second Division - 1st Bn MAP Ground

Tuithiang FC 9:00 AM CCR FC

FC Zotlang 11:00 AM Venghlui FC

Ramhlun North FC 1:00 PM Armed Veng FC