Arnold leh Grealish inhnukdawk

Manchester City forward Jack Grealish leh Liverpool defender Trent Alexander-Arnold te chu hliam vangin England tan an inlan thei dawn lo. Football Association (FA) chuan an player pahnih hi an inhnukdawk tih an sawi.

Player pahnih hian Three Lions aṭangin kohna an dawng a, an ram team zawm tur hian St. George’s Park pawh an pan. Mahse, an dinhmun endik a nih hnuah inkhel loa an chawlh rih a ngai ta zawk.

England manager Gareth Southgate chuan Grealish leh Arnold te aiawh tur hi a ko dawn lem lo a, player dangte tan ram tana khelhna hun remchang a inhawng zau dawn tihna a ni thei ang.

Euro 2024 qualifier-ah England hi Group C hmahruaitu an ni mek, match li an khelh tawh chinah an la chak vek. Inrinni hian anmahni hnaih bertu Ukraine an tlawh dawn a, chumi hnuah Scotland nen friendly match an khel chhunzawm dawn a ni.

England Squad:

Goalkeepers: Sam Johnstone (Crystal Palace), Jordan Pickford (Everton), Aaron Ramsdale (Arsenal).

Defenders: Ben Chilwell (Chelsea), Levi Colwill (Chelsea), Lewis Dunk (Brighton & Hove Albion), Marc Guehi (Crystal Palace), Harry Maguire (Manchester United), Fikayo Tomori (AC Milan), Kieran Trippier (Newcastle United), Kyle Walker (Manchester City)

Midfielders: Jude Bellingham (Real Madrid), Conor Gallagher (Chelsea), Jordan Henderson (Al-Ettifaq), Kalvin Phillips (Manchester City), Declan Rice (Arsenal)

Forwards: Eberechi Eze (Crystal Palace), Phil Foden (Manchester City), Harry Kane (Bayern Munich), James Maddison (Tottenham Hotspur), Eddie Nketiah (Arsenal), Marcus Rashford (Manchester United), Bukayo Saka (Arsenal), Callum Wilson (Newcastle United)