Sevilla-ah Ramos a kir

Sergio Ramos chuan a chawr chhuahna Sevilla a pan. Spanish defender hian Sevilla aṭangin Real Madrid a pan a, a naupan lai club a chhuahsan aṭanga kum 18 a liam hnuah a kir leh tihna a ni.

Kum 37 mi Ramos hian Real Madrid aṭangin Paris Saint Germain a pan a, hliamin a tlakbuak avangin beisei a phak lo, a kum a tamin a vanglai a pel tawh bawk a, a contract hmang zoin an inṭhen - Sevilla tan hian season khat daih contarct a ziak.

Ramos chuan, "Sevilla ka zawm leh thei hi ka lawm, zinkawng ngaihnawm leh duhawm tak a nih ngei pawh ka beisei a, club tan a rang thei ang bera tha thawh hlan ka nghakhlel tawh," tiin a sawi.

Kum sarih mi chauh a nih laiin Ramos hian Sevilla a zawm, inelna hrang hrangah match 50 a khelhsak hnuin kum 2005 khan Real Madrid a zawm. Spanish club tan hian match 671 a khelhsak a, nomawi 22 tehmeuh a chawi.

Real Madrid tana a khelh lai hian nomawi chawi theih zawng zawng a chawi kim a, an ram Spain chu European Championship nomawi pahnih bakah FIFA World Cup a lakpui a, ram leh club tan a hlawhtling takzet.