Kante tan hmun a la awm - Deschamps

France coach Didier Deschamps chuan Euro 2024 qualifier khel turin N’Golo Kante leh Paul Pogba te a ko lo a, a midfielder ṭha pahnih hi ko lo mah se an tan hmun a la awm tih a sawi.

Kante leh Pogba a koh loh lai hian, defender Lucas Hernandez chu koh a ni thung. Hernandez hi hliam vangin a buai reng a, tun season erawh Paris Saint Germain tan Ligue 1 match hmasa pathum a khel vek.

Arsenal defender William Saliba pawh koh kir a ni - season hmasa chawhnu lamah Saliba hi a hnungzâng a hliam a, a hliam vang hian club leh ram tan a inkhel thei lo, tunah chuan Gunners tan season ṭha tak a hmang leh mek tawh a, ram tana kohna pawh a dawng zui nghal.

France coach Deschamps chuan, "Kante a inkhel leh thei tawh a, a zawnin match a khel leh tawh tih pawh ka hria, mahse a dinhmun ngaia let leh turin a la inkhel tam tawk lo. Tuna koh a nih loh avang hian a tan hmun a awm tawh lo tihna erawh a ni lo.

"Player chhuak thar ṭha tak tak kan nei reng a, anni nen hian inelna an nei zel ang. France tana khel tur chuan club lamah an khelh ṭhat a ngai a, an rilru puthmang a dikin theihtawp an chhuah tur a ni," tiin a sawi.

France hi Group B hmahruaitu an ni mek. September 7 hian Ireland an mikhual dawn a, chumi hnuah Germany hmachhawn turin an zinchilh ve leh thung ang.

France Squad:

Goalkeepers: Alphonse Areola (West Ham), Mike Maignan (AC Milan), Brice Samba (Lens).

Defenders: Axel Disasi (Chelsea), Lucas Hernandez (PSG), Theo Hernandez (AC Milan), Ibrahima Konate (Liverpool), Jules Kounde (Barcelona), Benjamin Pavard (Inter Milan), William Saliba (Arsenal), Dayot Upamecano (Bayern Munich).

Midfielders: Eduardo Camavinga (Real Madrid), Youssouf Fofana (Monaco), Boubacar Kamara (Aston Villa) Adrien Rabiot (Juventus), Aurelien Tchouaméni (Real Madrid).

Forwards: Kingsley Coman (Bayern Munich), Ousmane Dembele (PSG), Olivier Giroud (AC Milan), Antoine Griezmann (Atletico Madrid), Randal Kolo Muani (Frankfurt), Kylian Mbappe (PSG), Marcus Thuram (Inter Milan).