Mizoramin Kerala an hneh

Hero Sub Junior Boys' National Football Championship 2023-24-ah nimin tlai khan Mizoram chuan Malsawmkima goal ṭha zet hmangin Kerala 1-0 in an hneh.

Mizoram hian match hmasa berah Maharashtra 9-0 in an sawp a, nimin tlaia match hnihnaah erawh Kerala hmachhawnin an inkhel tawk hle.

Minute 85-naah Chanmari naupang Malsawmkima'n khalh lutin Kerala player-ten an hual nasa chungin box pawn aṭangin ṭha zetin a pet goal. Mizoram hi 1-0 in an chak a; September 8, Zirtawpniah Odisha nen match hnuhnung ber an khel dawn.

Odisha pawh hian Maharashtra leh Kerala hi an hneh tawh a, group match hnuhnung bera Odisha leh Mizoram inkhela chak zawk hian semifinal an lut ang.