Asia Cup-ah Afghanistan an vanduai

Asia Cup group stage chu August 5, Thawhlehni khan khelh zawh a ni a, nimin aṭangin Super 4 khelh ṭan a ni nghal. Afghanistan leh Nepal ten Super 4 an tling pha lo a; Pakistan, India, Sri Lanka leh Bangladesh te an inel chhunzawm ang.

Gaddafi Stadium, Lahore-ah Thawhlehni khan Sri Lanka leh Afghanistan te an inkhel a, chak chuan Super 4 lut thei ve ve an ni. Lions hian over 50-ah 291/8 runs an siam a, Afghanistan beisein a la bo lo. Over 37.1-ah 292 runs an siam theih chuan Afghanistan hi net run rate hmangin an tling thei dawn.

Afghanistan hian over 36-ah 289/8 runs an siam tawh a, ball sarihah run thum an siam theih chuan Super 4 an lut dawn. Mahse, captain Fazhalhaq Farooqi-a'n an run mamawh zat a chhut sual a, an muang sual. Over 37.4-ah 289 runs siamin an thi fai vek a, an chak lo.

Group B aṭangin Sri Lanka leh Bangaldesh an tling a, group A aṭangin Pakistan leh India te an tling ve bawk. September 10, Pathianni hian Pakistan leh India te hi Super 4-ah an inkhel dawn a, an intawn hmasak zawk aia inkhel a pawimawh tawh avangin inkhel boruak pawh a sang lehzual ang.