Mizoramin Bihar an hneh

Sub Junior Girls' National Football Championship-ah Mizo hmeichhe naupangte an che ṭha chhunzawm a, match hmasa bera Uttarakhand 13-2 a an hneh hnuah nimin khan Bihar 6-3 in an hneh.

Amritsar, Punjab-a inkhelah Mizoram tan Lallawmzuali'n hattrick a siam a, Loisy Lalpekkkimi'n goal hnih a khung bakah Bihar defender Khushbu Kumari chuan an lamah a tilut. Lawmi hian match hamsa zawkah goal riat khungin tun ṭum inelnaah hian match hnih lekah goal 11 a khung der tawh.

Mizoram hi team SYS coach pahnih R. Lalnunsangi leh Lizzy Lalhmingsangi ten an enkawl a; September 8, Zirtawpni tlai dar 4:30 hian Punjab an hmachhawn leh ang.