Inzaghi tan contract thar

Inter Milan chuan an coach Simone Inzaghi chu kum 2025 thleng daih contract an ziah pui a, inremna an ziah thu hi Serie A club chuan Thawhlehni zan khan an puang a ni.

Lazio aṭanga team enkawl hna thawk ṭantu Inzaghi hian 2021 khan Inter a zawn - Coppa Italia leh Italian Super Cup pahnih ve ve a lakpui tawh a, season hmasa khan Champions League final a hruai thleng bawk.

Italian club chuan thu chhuahsiamin, "Inter Milan chu Simone Inzaghi nena kan inrem theih avangin kan lawm hle. Kan inremna thar ang chuan Nerazzurri tan kum 2025 thleng hna a thawk dawn a ni," an ti.

Serie A season kal laiah Inter Milan hi an match hmasa pathumah an chak vek, an hmelma leh elpui ni bawk AC Milan nena la chak ve thei an ni a, nomawi an inchuh leh ngeiin a rinawm.