India player-te zinkawng a tawp

Badminton inelna China Open Super 1000 khelh laiah India player ten beisei an phak lo, nimin khan mipa doubles hangah Satwiksairaj Rankireddy leh Chirag Shetty te an tla leh a ni.

Indian player zingah Satwik-Chirag te hi an dam rei an ni, mahse Muhammad Shohibul Fikri leh Maulana Bagas te nen darkar khat leh minute riat an inkhelh hnuah 17-21, 21-11, 17-21 in a chak lo zawk an ni.

An dam rei chhan erawh an inkhelh har vang a ni, inelna neih laiah hian hneh an nei lo. Mixed doubles lamah pawh Sikki Reddy leh Rohan Kapoor te pawhin Malaysian duo Chen Tang Jie leh Toh Ee Wei te chu 15-21, 16-21 in an hneh lo bawk.

World Championship bronze medallist HS Prannoy pawh hneh nei loin a tla a, hmeichhe singles huanga India beisei sanna PV Sindhu chu inelna ṭan dawn hun tepter tawh takah a inhnukdawk bawk a ni.