Ake-a goal kha offside - Webb

Premier League referee hlui, tunah Professional Game Match Officials Limited chief ni ta Howard Webb chuan Manchester City leh Fulham inkhelh ṭuma Nathan Ake goal khung chu offside a nih thu a sawi.

Man City leh Fulham te 1-1 a an inhnehtawk laiin Ake hian an goal hnihna a tauh lut, a ball tauh lai hian Manuel Akanji chu lo offside in goalkeeper Bernd Leno a ti buai, mahse goal atan an pawm.

Webb chuan, "A offside tih chu chiang takin a sawi theih, a chhan chu Akanji khan goalkeeper a tihbuai vang a ni," tiin a sawi a, inkhel result erawh thlak damlam theih a ni tawh lo thung.

English referee Webb hian Liverpool leh Newcastle United inkhelh ṭuma Virgil van Dijk an hnawhchhuah chu thutlukna dik a nih thu sawiin, Arsenal laka Manchester United forward Alejandro Garnacho goal khung an pawm loh chu thutlukna dik a ni tih pawh a sawi.