Chanmari nge par dawn Chawnpui

Vawiin tlai dar 2:00 hian Zote Toyota MPL10-ah K. Malsawmkima hoa harhtharna chang Chanmari FC leh MPL champion lai Chawnpui FC te an inkhel dawn.

Chanmari hi match thumah vawi thum an la chak vek a, point kua an hmu ringawt lo - an khel ṭha tel. Sialhawk Express R. Laldanmawia a rawn vul ṭha leh a, Lalkhawpuimawia leh Laltlanzova te nen an goal bawh a na hle.

Chanmari hian tlar hnungah Zothanmawia (T. Mawia) an nei a, keeper T. Mawia hmaah Lalrinchhana Tochhawng a awm leh ta bawk. Chanmarians hi position tinah an ṭha vek a, football hmuhnawm khel thei tur an ni.

Chawnpui lam hi an ṭha ve tho a, MPL-ah champion nawn ngei tumin coach Lalrindika Hmar an la lut. MPL tawnhriat nei ṭha VL Thanga, Lalruatfela (RF-a), Lalruatfela leh Vanlalremkima te an nei a, Chanmari hi an hlau bik lo ang.