Taekwondo championship khel tur an chhuak

National Senior Taekwondo Championship & 12th National Senior Poomsae Taekwondo Championship vawi 39-na chu September 9 – 11 chhung hian khelh a ni dawn.

Inelna hi Guwahati, Assam-ah khelh tur niin - Mizoram aiawha kal turte chuan nimin khan inelna neihna tur hmun an pan. Mizoram aiawh turte hi kyorugi khel tur mi 10 leh poomsae khel tur mi 12 te an ni. Team official pali leh technical official pathumten an hruai a ni.

Senior National Cham-pionship hi kumin kum tawp lamah National Games, Goa-a lo awm tur atan qualifying tournament a nih avangin state tinte an inbuatsaih nasa hle. Mizoram team te pawh National Games qualify thei ngei turin ngawrh takin Electric veng YMA Hall-ah te, MATA Hall-ah te leh SAI-ah te ni 75 chhung an training hial.

Mizoram team hi Champion of Champions title kawltu Vanlalmawipuia chungah an innghat thui hle dawn a. Poomsae inel lamah individual leh team-ah an che sual viau a nih loh chuan medal an lak a beiseiawm. Under 30 category-ah champion lai Lalthlamuanpuia a awm avangin state dangte el ber tur pawh a ni ang.