National Junior Badminton Championship-ah Mizo

Vawiin aṭanga khelh ṭan tur Yonex-Sunrise 46th Inter State - Inter Zonal & Junior National Badminton Championship 2023 chu Mizo shuttler-te pawhin an khel dawn a, he inelna hmachhawn tur Mizoram team chuan nimin khan inelna neihna hmun tur Bangalore an thleng.

KBA Stadium-a neih tur inelna hi Under 19 Boys & Girls tan niin category pangaah inelna neih a ni dawn a, boy's singles, girl's singles, boy's doubles, girls's doubles leh mixed doubles-ah te ṭhen hran niin, September 12 thleng neih tur a ni.

Mizoram aiawh tur hian Mizo naupang 11 tirh an ni a, anmahni ho tur hian coach leh manager pakhat tirh tel an ni bawk. Mizoram Badminton Association (MBA) chuan thuchhuah siamin, inelna hmachhawn tur Mizo shuttler-te chu an duhsakna sang ber an hlan thu an sawi.