Bagnaia intlanisak thei dawn

Francesco Bagnaia chu Pathianni tlai dar 5:30-a tlan tur San Marino Grand Prix-ah a inlan thei dawn, intlansiak hnuhnung ber Barcelona GP-ah chesual mah se, chawlh rei ngai loin inelna a hmachhawn thei nghal dawn a ni.

MotoGP rider championship hmahruai mektu Bagnaia chuan, "Chetsualna a thlen khan, ka hnunga bike awm khan min chil ngei dawn niin ka hria a, second tlemte chhungin ka rilruah thil tam tak a lut hman.

"Na takin min delh lo hram se la tih kha ka duh dan a ni a, beisei ang ngeiin ka hliam na lo hlauh," a ti. A dinhmun hi Ningani khan endik a ni a, damdawi lam thiamte chuan intlansiak turin a inpeih tih an sawi.

Tun kartawpa inelna an neih tur hi tun season chhunga intlansiak 12-na a ni dawn a, intlansiak dang pariat an la hmabak bawk ang. Tun dinhmunah chuan Bagnaia hian amah hnaih bertu Jorge Martin aiin point 50-in hma a hruai fal mek.