Arsenal chhuahsantu Pep

Nicolas Pepe chuan Arsenal chhuahsanin Turkish club Trabzonspor a zawm. Emirates Stadium-ah season thum chhung hun a hmang a, a hunlai chuan an player man tam ber ni hial mah se beisei a phak lo.

Kum 2019 khan Ligue 1 club Lille aṭangin Pepe hian pound maktaduai 72 ngawtin Gunners hi a zawm a, tunah chuan man nei loin Trabzonspor a pan leh ta a ni.

Ivory Coast winger hian North London club tan inelna hrang hrangah match 112 aṭangin goal 27 a khung a, khelhna hmun a chan tam loh avangin season hmasa kha chuan loan hmangin Ligue 1 club Nice a lo zawm tawh bawk.

Pepe hian a contract ang chuan Arsenal tana khel turin kum khat a la nei, mahse inhriatthiam tawnnain contract hi an titawp. A club thar tur hi Turkish Super Lig lama pasarihna ni lai mek an ni.