Lalrina Renthlei tan bronze medal

Indian National 9 Ball Pool Championship 2023 khelh mekah Lalrina Renthlei chuan bronze medal a la, semifinal thleng mah se final luhna tur inkhelah Delhi aiawhtu Sundeep Gulati chu 10-4 in a hneh lo.

Inelna hi Indore, Madhya Pradesh-ah neih niin, Mizoram aiawha kal Mizoram Snooker & Billiards Association (MSBA) player ṭha Lalrina Renthlei hian quarterfinal-ah Petroleum Player Shahbas Adil Khan chu 9-5 in a hneh a ni.

Indian Pool National Championship (9&10 Ball)-ah hian Mizoram state aiawhin MSBA player pathum - PB Liansangzuala, Dawrpui, Lalrina Renthlei, Tuikhuahtlang leh Laltlansanga, Lunglei te an kal a ni.

Nizan khan 10 balls zawkah Mizoram aiawhte hian inelna an hmachhawn a, mahse chanchinbu buatsaih laiin result kan hre hman lo. Inelna hi September 15, Zirtawpni hian a hmawr bawk tur a ni ang.