India U23 an tlawm

AFC Under-23 Asian Cup 2024 qualifier-ah India an tlawm a, Blue Tigers hian mualneitu China chu 2-1 in an ngam lo - India tlawm dan a uiawm a, nakkuma Asian Cup U23 khel turin an dinhmun a derthawng nghal.

Team pahnihin hun rei tak chhung goal khung loin hun an hmang a, mahse, minute 68-naah India defender Vibin Mohanan chesualin penalty a chawi - China tan captain Tao Qianglong chuan chiang zetin goal-ah a chantir a, 1-0 a ni.

A nihna takah chuan Blue Tigers hi an thawh leh a rinawm tawh lo. Mahse, India an beidawng ve duh lo a, hun pek belh minute hnihnaah Narender Gehlot-a ball pet aṭanga kal zel chu Hu Hetao chuan an lamah tilutin, 2-2 a ni.

Mahse, India hlim chhung erawh a rei lo - si phurh an sut aṭanga minute lina lekah China lamin goal an khung ve leh a, Naibijiang Mohemati chuan chak nemnghehna tiin a khung.

Goal dang lut tura hun a awm tawh loh avangin India an tlawm - hmabak a hautak sawt. Blue Tigers hi match hmasa bera an khingpui tur Maldives an inhnuhdawh avangin China an hmachhawnin an match hmasa ber a ni a, Asian Cup khel turin match hnihnaah tlawm a thiang tawh lo.

Asian Cup U23 qualifier-ah hian group 11-ah team te chu ṭhen hran niin, groupm tina a sang berte chu tling chiang tur an ni a, pahnihna zinga a ti ṭha zual pali an tling bawk.

India tan he beiseina nei tur chuan Thawhlehni chhun dar 2:00-a UAE nen an intawn hunah goal an khung nual a ṭul ang - mahse, UAE hi team ṭha an ni a, a harsa mai thei!

Blue Tigers rawlthar rual zingah Mizoram player Lalrinliana Hnamte leh Ayush Chhetri chu squad-ah an awm a, Mohun Bagan player Terina hi minute 67-naah luhtir a ni - Dinthar tlangval Ayush erawh a la inlan rih lo.