Chanmari a chung berah

Zote Toyota MPL10 round 4 khelh zawh a ni tawh a, Chanmari FC chu a chung berah an awm. Round 5 hi September 13-14, 2023 hian 1st Bn MAP Ground-ah khelh chhunzawm a ni dawn a, round 6 chu Kolasib-ah khelh a ni dawn.

Match li khelh a nih tawh avangin a ṭha leh ṭha lo an inthliar ṭan a, chutihrualin MPL10 erawh a ngaihnawm chho zel. Chanmari FC hi eng ang chiaha ṭha nge tih fiahin a awm chho zel dawn a; Aizawl FC, Chawnpui FC leh Chhinga Veng FC te pawh an ṭha tih a chiang.

Mizoram Police hi team langsar an la ni reng a, mahse MPL-ah an la champion lo. Tuna a lan dan chuan MPL10-ah pawh champion hi an la harsat dawn niin a lang.

Electric Veng, FC Venghnuai leh Project Veng FC te hi tlemin an squad a pan deuh a, chutihrualin 'upset' an thlen ve thei reng. MPL10-ah chak vek an awm tawh lo a, point hmu lo pawh an awm tawh lo. Round 5-ah a tawp ber inkhel tur Mizoram Police leh Chanmari FC inkhel tur chu a hmuhnawm ber a ni dawn.