Antony a insawifiah

Manchester United forward Antony chuan tun hnaia a chunga thil thleng chungchang a sawifiah a, engtik lai mahin hmeichhia kut a thlak ngai lo tih a sawi.

Antony hi a bialnu hluiin kutthlak hmang tiin a puh a, hei vang hian Brazil squad aṭanga paih a ni. Man United chuan an player chungchang an chhuina an ngaichang rih a, a chungah thutlukna an la siam lo thung.

Brazil international Antony chuan, "Thudik chu a lo lang chhuak mai ang, hmeichhia kutthlak ang a min puhna hi a dik lo hulhual. Nu ka nei a, farnu ka nei bawk, hetiang thil hi an chunga thleng turin ka duh ngai lo.

"Kan ram team aṭanga paih chhuah nih te kha a hrehawm ka ti hle, a chhan chu thu dik loa puh ka nih avanga hremna ka tuar kha na ka ti," a ti a, an puhnaah an insawi thiam hle a ni.

Greater Manchester Police leh Sao Paulo Police te chuan thil thleng hi an chhui mek, hun rei vak lo hnuah chuan thu dik a hriat theih mai a rinawm.