Portugal chakna Fernandes

Manchester United captain Bruno Fernandes chuan a kum 29 tlin champhakah Portugal tan goal a khung a, an ram hi Solivakia lakah 1-0 in hnehna a chan pui.

Zirtawpni zan Euro 2024 qualifying inkhelah Fernandes hian minute 43-naah goal awmchhun a khung a, captain Cristiano Ronaldo tan pawh a siamsak teuh hle, mahse Ronaldo hian a hlah.

Ronaldo-a'n goalkeeper Martin Dubravka laka a chet dan vangin yellow card a hmu, tun qualifier khelh laiah yellow card vawi thum a hmuh tawh avangin match khat atan hrem a ni - zanin dar 12:15 hian Luxembourg a hmachhawn thei dawn lo.

Group J-ah Portugal hian match nga khel tawhin an la chak fai vek a, point 15 hmuin table hmahruaitu an ni, an hnuaiah hian point 10 hmu pahnih Slovakia leh Luxembourg te an awm.