Lewy telna Poland an chak lo

Robert Lewandowski hoa inlan Poland-in Albania lakah chak beisei mah se an mikhualna ramah goal an khung thei lo a, Albania lakah 2-0 in an tlawm.

Tirana, Albania-a inkhelah Poland-in ball chang tam zawk mah se a pawimawh ber goal an khung thei lo a, Albania-in Jasir Asani leh Mirlind Daku hmanga goal khungin, 2-0 in hnehna an chang daih.

Group E-ah Albania hian point 10 neiin hma an hruai mek a, an hnuai chiaha awm Czech Republic aiin point hnihin hmu tam zawk mah se, match khatin an khel tam zawk thung.

Hetihlai hian Moldova chuan point riat tho neiin pathumna dinhmun an luah a, Poland erawh match nga khelh tawhah point ruk neiin palina an ni mek - Lewandowski team-te hi Euro 2024 khel lo thei dinhmunah an ding tihna a ni.