BVT leh Kanan an inhnehtawk

Aizawl DFA First Division chu nimin khan Lammualah khelh chhunzawm a ni a, match hmasa bera hnehna chang pahnih Kanan FC leh Bethlehem VT FC te 1-1 in an hnehtawk. Inkhel dangah Ramthar Vengin player 10-a khel Tanhril FC chu 4-0 in an sawp.

Kanan hian Serchhip tlangval Lalthuthlunga hmangin first half-ah hma hruai mah se BVT-in na takin an nawr let a, a tawpah goal an sual chhuak. Bench aṭanga rawn lut PC Malsawmsanga'n minute 90-naah siphurh sutna goal a tauh lut.

Vawiin hian inkhel pali a awm dawn. 1st Bn MAP Academy-in Mission Veng an hneh theih chuan league hmahruaitu an ni ang - Police Academy hian match hmasa berah Tanhril FC an hneh tawh.

Club sulhnu nei ṭha Dinthar FC-in Aizawl FC Acadmey an hmachhawn dawn a, MPL aṭanga tla hlim FC Bethlehemin Sihphir Venghlun an hmachhawn bawk ang.